كل اللي تحتاجه لرحلة الدايت…
في تطبيق واحد

جربت تطبيقات سعرات كثيرة، واكثر شيء يعجبني انه سهل وبالعربي — يحسب لك احتياجك من السعرات حسب هدفك، وتقدر تسجل اكلك باكثر من طريقة: تصور الوجبة، فويس، بالباركود او تضيفها بنفسك. ويتميز بمكتبة متطورة من الوصفات الصحية، وتقدر تسوي من الوصفات قائمة تسوق، واتابع وزني والموية والتمارين والخطوات وصور التقدم كلها من نفس التطبيق. ميزة الشات بالذكاء الاصطناعي رهيبة — يعرف هدفي وسعراتي واقدر اساله مثلا: ايش اقدر اكل بالسعرات المتبقية لي؟ واذا احتجت مساعدة اتواصل مع اخصائية تغذية عن طريق واتساب. من التطبيقات اللي حسيت انها جمعت اشياء كثيرة كنت احتاج اكثر من تطبيق عشان اسويها. انصح بتجربته 👍

والله صراحة ما شاء الله، فكرة التطبيق جدا مميزة — واكثر شيء عجبني انه جامع مميزات كثيرة في مكان واحد. اكثر ميزة شدتني هي موضوع الوصفات؛ لو حصلت وصفة في انستقرام او تيك توك، اخذ الرابط واحطه في التطبيق، ويطلع لي الماكروز وطريقة التحضير وحتى الاشياء اللي احتاج اشتريها من السوبرماركت. بالنسبة لي هذي ميزة رهيبة. غير كذا فيه مكتبة كاملة للوجبات الصحية، وشات ذكاء اصطناعي داخل التطبيق اقدر اساله عن الاكل او التمارين ويعطيني التفاصيل مباشرة. واقدر اتابع شرب الموية والخطوات، واضيف صور تطوري واقارن نتائجي مع الوقت. انا العب في النادي واحب اتابع التزامي، ووجود كل هذي الاشياء في تطبيق واحد جدا مفيد بالنسبة لي. ما قد شفت تطبيق يجمع كل هذي المميزات في مكان واحد. يعطيكم العافية، التطبيق فادني مرة.

صراحة تطبيقكم من افضل التطبيقات اللي شفتها من ناحية شمولية الادوات اللي يحتاجها اللاعب. انا شفت تطبيقات كثيرة جدا، سواء على مستوى المجتمع المصري او الوطن العربي، وكل تطبيق يتكلم عن الذكاء الاصطناعي والاتمتة والمميزات المختلفة — لكن من ناحية الشمولية مثل تطبيقكم، ما شفت. التطبيق شامل بشكل كبير، والهوية البصرية فيه ممتازة ومريحة للعين، وما فيه زحمة او عناصر كثيرة تشتت المستخدم. واضح انه موجه للاعب ويعطيه اللي يحتاجه بشكل مباشر. صراحة واضح جدا ان التطبيق متعوب عليه. وانا اقول لكم هذا لاني من فترة طويلة كنت ادور على ناس يسوون لي تطبيق بنفس وجهة النظر اللي عندي وبالمميزات اللي اشوف ان اللاعب فعلا يحتاجها، خصوصا اني مدرب وعندي فريق من المدربين — فعارف الاشياء اللي نحتاجها في التطبيق.

ما شاء الله تبارك الله، جربت تطبيق كالوفاي لمدة تقريبا عشرة ايام، وارسلته ايضا للبنات في القروب عندي، وصراحة كلنا مبسوطين ومستمتعين باستخدامه. من اكثر الاشياء اللي عجبتني انه بالعربي، وفيه شات ذكاء اصطناعي، وتصميمه جميل جدا بالوان مريحة ومنعشة ومشرقة وتفتح النفس. انا من الناس اللي ممكن تنسى الاكل احيانا، واحيانا انسى اشرب موية، فمرة عجبني اسلوب الاشعارات التذكيرية في التطبيق. تجي بهدوء وبعبارات لطيفة وقريبة للنفس، وما تعطيك احساس الضغط او الاوامر مثل بعض التطبيقات الثانية اللي استخدمتها قبل، اللي تكون الوانها غامقة وتحسسك كانك داخلة نظام عسكري. بالعكس، كالوفاي مريح بصريا، وتصميمه جميل وسهل جدا في الاستخدام. عندي في القروب بنات من اعمار وخلفيات مختلفة، وما شاء الله ولا واحدة واجهت صعوبة في استخدامه، وما احتجت اشرح لاي احد كيف يستخدم التطبيق؛ كل واحدة دخلت وجربته بنفسها بكل سهولة. صراحة مرة موفقين في اختيار الالوان والتصميم وطريقة عرض التطبيق. الله يعطيكم العافية، وانا ممتنة جدا لهذا التطبيق. الى الامام وبالتوفيق دائما.